सुर्य प्रकाश बुढामगर, मालश्री खबर, कार्तिक २९ रोल्पा
लुम्बिनी प्रदेशका मुख्य मन्त्री तथा नेकपा माओवादी केन्द्रका स्थायी कमिटी सदस्य कुल प्रसाद केसीले राजनीतिक यात्रा ठूलो कठिन यात्रा भएको बताउनु भएको छ । लोकतान्त्रिक बाम गठबन्धन निर्वाचन परिचालन समिति रुन्टिगढी गाउँपालिका होलेरीमा आयोजना गरेको अगुवा कार्यकर्ता भेटघाट कार्यक्रमको विशिष्ट अतिथि समेत रहनुभएका केसीले सो कुरा बताउनु भएको हो । हामीले पहिले २०७४ को चुनाव बाटै रोल्पा रुकुम बाट नयाँ सन्देश दिन खोजेका थियौं तर त्यो बेला आफूहरू असफल भएको समेत बताए ।
साथै पाँच सात दलहरूसँग एजेन्डा नमिल्दा आफूहरूले फ्री जोनको माध्यम बनाएको समेत बताए । आफूहरू सत्तामा हुँदा हुँदै पनि एमालेका केपी ओलीको दम्भ,घमण्ड र अह्मकारिताले माओवादी र एमालेमा तिकतता आएको समेत बताउदै देशलाई नेपाली जनताले लामो संघर्ष र योगदान बाट प्राप्त गरेका संविधानलाई कुल्चिएर दुई दुई पटक संसदलाई अग्रगमन तिर लैजानु त कहाँ छ कहाँ झन विघटन तिर लगेर देशलाई दुर्घटना तर्फ लगेको समेत बताए ।
साथै नेपाली कांग्रेस,माओवादी केन्द्र,एकीकृत समाजवादी र राष्ट्रिय जनमोर्चा लगायतले संविधानको रक्षा गरेको समेत बताए । लुम्बिनी प्रदेशमा पनि एमाले नेतृत्व शंकर पोख्रेलको सरकारलाई पनि लोकतान्त्रिक बाम गठबन्धनले सत्ता बाहिर पठाएको समेत बताउनुभयो । साथै केसीले नेपालमा राजनीतिक दलहरू स्थायीत्व राजनीति र कम्जोर हुँदा आज स्वतन्त्रहरु घण्टी लगायत विभिन्न चिन्हहरु लिएर नेपालका राजनीतिक दललाई असफल गराउन लागेको समेत जिकिर गर्नुभयो।लोकतान्त्रिक बाम गठबन्धनको निर्णय विपरीत नगर्न र गठबन्धनका उम्मेदवारलाई मत दिई बिजय गराउन समेत आग्रह गर्नु भएको छ ।
प्रतिक्रिया दिनुहोस्