मालश्री खबर
रोल्पा,३० भदौ। सुनिलस्मृति गाउँपालिका ७ तेवाङका विद्यार्थीहरुलाई शैक्षिक सामग्री वितरण गरिएको छ । वडा भित्रका सम्पूर्ण विद्यालयमा अध्ययनरत दलित, जेहेन्दार, द्वन्द्व पीडित, असाय विद्यार्थीहरुको पहिचान गरि शैक्षिक सामग्री प्रदान गरिएको बताइएको छ ।
उपाध्यक्षसँग विद्यार्थी कार्यक्रम र वडा कार्यालयबाट बिनियोजित शैक्षिक सामग्री वितरण कार्यक्रमबाट विद्यार्थीहरुलाई शैक्षिक सामग्री वितरण गरिएको वडाध्यक्ष रेशम शर्माले जानकारी दिनुभयो। उपाध्यक्षसँग विद्यार्थी कार्यक्रम अन्तर्गत ८१ जना विद्यार्थीलाई र वडा कार्यालयबाट ३१ जना गरि १२१ जना विद्यार्थीहरुलाई शैक्षिक सामग्री वितरण गरिएको वडाध्यक्ष शर्माले जानकारि दिनुभयो।
- Advertisement -
वडाभित्रका अति विपन्न, दलित साथै आर्थिक अवस्था कमजोर भएका विद्यार्थीहरुको पहिचान गरी शैक्षिक सामग्री वितरण गरिएको गाउँपालिकाले जनाएको छ । ति विद्यार्थीहरुलाई विद्यालयमा जानुपर्छ भन्ने भावना विकास गराउन यस खालको कार्यक्रम महत्वपूर्ण रहेको कार्यपालिका सदस्य नेमलाल परियारले बताउनु भयो ।
कार्यक्रममा वडा सदस्यहरु शिक्षक विद्यार्थी लगाएतको उपस्थिति थियो।
प्रतिक्रिया दिनुहोस्