मालश्री खबर, फागुन १० गते रोल्पा ।
कार्यसम्पादन तथा सुशासन मुल्याङ्कनमा लुङ्ग्री गाउँपालिका रोल्पामा पहिलो भएको छ ।
आर्थिक वर्ष २०७९÷८० को राष्ट्रिय प्राकृतिक श्रोत तथा वित्तीय आयोग द्वारा गरिएको कार्यसम्पादन तथा सुशासन मुल्याङ्कनमा लुङ्ग्री गाउँपालिका रोल्पामा पहिलो भएको हो ।
रोल्पा जिल्लाका १० स्थानीय तह मध्य कार्यसम्पादन तथा सुशासन मुल्याङ्कनमा लुङ्ग्री गाउँपालिकाले ४२.८५ अङ्क प्राप्त गरी पहिलो स्थानमा रहेको छ ।
३९.८९ अङ्क प्राप्त गरि रोल्पा नगरपालिका दोस्रो, ३७.७१ अङ्क प्राप्त गरि रुन्टीगढी गाउपालिका तेस्रो, ३६.२४ अङ्क प्राप्त गरि माडी गाउपालिका चौथो, ३४.५४ अङ्क प्राप्त गरि परिवर्तन गाउपालिका पाचौँ स्थानमा रहेको छ ।
त्यस्तै ३२.३२ अङ्क प्राप्त गरि सुनिलस्मृति गाउँपालिका छैठौँ, ३०.९० अङ्क प्राप्त गरि सुनछहरी गाउपालिका सातौँ, ३०.३१ अङ्क प्राप्त गरि त्रिवेणी गाउँपालीका आठौँ, २४.८५ अङ्क प्राप्त गरि थवाङ गाउपालिका नवौँ स्थान र १५.८८ अङ्क प्राप्त गरि गंगादेव गाउँपालिका दश औँ स्थानमा रहेको छ ।
प्रतिक्रिया दिनुहोस्