भरत विश्वकर्मा, पुस २५ गते किलाचौर रोल्पा ।
राष्ट्रपति रनिङ शिल्ड प्रतियोगिताले शिक्षा क्षेत्रमा महत्वपुर्ण भूमिका खेलेको सुनिलस्मृति गाउँपालिकाका निवर्तमान अध्यक्ष गुणेन्द्र घर्तिले बताउनु भयो ।
रोल्पाको लुङ्ग्री गाउँपालिकामा आयोजित तेस्रो माध्यमिक विद्यालय स्तरिय रनिङ शिल्ड प्रतियोगिताको उद्घाटन कार्यक्रमलाई सम्बोधन गर्दै उहाँले यस्तो कुरा बताउनु भएको हो ।
‘खेलकुद शिक्षा क्षेत्रमा महत्व छ यसले शिक्षा क्षेत्रमा नयाँ गति ल्याउछ ।‘ उहाँले भन्नुभयो, ‘खेलकुदले व्यक्तिलाई सबै कुरामा क्रियाशिल बनाउनमा मद्दत गर्नुका साथै स्वस्थ बनाउनमा सहयोग गर्दछ ।‘
उहाँले समाजलाई दक्ष बनाउन शिक्षाले महत्वपुर्ण भूमिका खेल्ने बताउनु भयो।साथै शिक्षा विकासको मेरुदण्ड भएकोले देशको सबै विकासमा शिक्षा आवश्यकता रहेको औल्याउनु भयो ।
प्रतिक्रिया दिनुहोस्