मालश्री खबर
रोल्पा नगरपालिका कर्मचारीहरुले भुकम्प पीडितलाई आर्थिक सहयोग गरेका छन् । कार्तिक १७ गते राती जाजरकोटको रामीडाँडा केन्द्रबिन्दु भएर गएको बिनासकारी भूकम्पपीडितका लागि आर्थिक सहयोग गरिएको रोेल्पा नगरपालिका लेखा प्रमुख बसन्त गिरीले बताउनु भएको छ ।
नगरपालिकामा कार्यरत सबै तहका कर्मचारीहरु बाट आर्थिक सहयोग गरिएको बताइएको छ । नगरपालिकामा कार्यरत अधिकृत स्तरको कर्मचारी बाट २ दिनको र अन्य स्तरका कर्मचारीहरु नासु, खरिदार, नगर प्रहरी, कार्यालय सहयोगि, सवारी चालक लगाएतका कर्मचारीहरुले एक दिन बराबरको तलब काटेर भूकम्पपीडितका सहयोग गरेका छन् ।
उक्त सहयोग रकम मंगलबार राष्ट्रिय बाणिज्य बैंकमा रहेको प्रधानमन्त्री राहत कोषको खाता नम्बर ११३०१००००३७६२००१ मा जम्मा रकम १ लाख ७१ हजार ८ सय ४ रुपैया गरिदिएको समेत बताइएको छ ।
रोल्पा नगरपालिका न्यायीक समितीले पनि छुट्टै जाजरकोट भुकम्पपीडितका लागी २० हजार मंगलबार नै प्रधानमन्त्री राहत कोषमा जम्मा गरिदिएको गरिदिएको रोल्पा नगरपालिका न्यायीक समिती एक सदस्ले रेडियो मालश्रीलाई जानकारी दिनु भएको छ ।
प्रतिक्रिया दिनुहोस्