रुन्टिगढी गाउँपालिका – ५ का अध्यक्षद्वारा काम नभएको योजना पास गर्न प्राबिधिकलाई दबाब

बिरेन्द्र घर्ति /असार २३ गते रोल्पा ।
रोल्पाको रुन्टिगढी गाउँपालिका वडा न. ५ का वडा अध्यक्ष गोबिन्द बहादुर डाँगीद्वारा काम नभएको योजना पास गर्न प्राबिधिकलाई दबाब दिएको खबर सार्वजनिक भएको छ ।
एक स्थानियका अनुसार वडा न. ५ धौलवाङ प्रहरी चौकी नजिकै रहेको कुङग्री खेल मैदानको काम भएको छैन तर वडा अध्यक्ष गोबिन्द बहादुर डाँगीले प्राबिधिकलाई योजना पास गर्न दबाब दिएको खबर बाहिरिएको बताउनुभयो ।

उहाँका अनुसार उक्त योजना वडा कार्यालयको २०७९/०८० बजेटमा विनियोजित बजेट हो । सो कुङग्री खेल मैदानको लागि रु. १,००,००० बजेट विनियोजित छ उहाँले भन्नुभयो ।

त्यस प्रश्रात हामिले उँहाको भनाई अनुसार यस बिषयमा वडा नं. ५ का प्राबिधिक महेश डि.सीलाई के हो भनेर सोधेका छौ ।

- Advertisement -

के तपाईलाई काम नभएको योजना पास गर्न तपाइको वडा अध्यक्ष गोबिन्द बहादुर डाँगीद्वारा दबाब आएको हो ?उहाँले वडा अध्यक्षको बचाउ गदै भन्नुभयो दबाब होइन, पास गर्नुपर्यो भनेर आग्रह चाहि गर्नुभएको थियो ।
तपाईलाई आग्रह गर्नु भनेको दबाब दिनु होइन र ?
उहाँले भन्नु भयो तपाई आफै बुझनुहोस ।
तपाईले त्यो योजना किन पास नगरेको ?
उहाँले भन्नु भयो योजना र स्टिमेट अनुसार काम भएको छैन, मैले गरिन ।
त्यहाँ कामै भएको छैन कि सामान्य काम भएर योजना पास गर्न खोजिएको ?
उहाँले भन्नुभयो काम गरेको जस्तो गरिएको छ, कुनै काम भएको छैन ।