उमा बस्नेत
मालश्री खबर चैत २४ गते, रोल्पा ।
रोल्पामा भिरबाट लडेर एक जनाको मृत्यु भएको छ । परिवर्तन गाउाँपलिका वडा नम्बर १ कुरेरी निवासी ४५ वर्षिय बुद्धीवल बुढामगरको शुक्रबार मृत्यु भएको जिल्ला प्रहरी कार्यालय रोल्पाले जनाएको छ ।
विहीबार विहान १० बजे आफ्नै घर देखि २ किलोमिटर दक्षिणको रिमुली गैरा जंगलमा झ्याक्रा काट्न गएका बुढा वेलुकी सम्म पनि घर नफर्किए पछि परिवार र आफन्तीले खोज तलास गरेका थिए ।
- Advertisement -
खोज तलास गर्दै जादा आफान्ती र घरपरिवाले बुढालई रातको १० वजे घाईते अवस्थामा उक्त भिरको जंगलमा फेला पारेका थिए । बुढा रिमुल गैराको भिरको जंगलबाट करीब १५ मिटिर तल खेसेको बताईएको छ ।
उनको टाउको, मुख र शरीरको विभिन्न भागमा कोतरीएको प्रहरी चौकी कुरेलीले बताएको छ । घाईते अवस्थामा भेटिएका बुढालाई उपचारको लागि जिल्ला अस्पताल रेउघामा ल्याउदै गर्दा बाटोमै मृत्यु भएको प्रहरी चौकी कुरेलीले जाकरी दिएको छ ।
थप अनुसन्धानको इलाका प्रहरी कार्यलय घर्तिगाउँ रोल्पाबाट प्रहरी टोली खटिएको र मृतको थप अनुसन्धान भईरहेको जिल्ला प्रहरी कार्यलय रोल्पाले जानकारी दिएको छ ।
प्रतिक्रिया दिनुहोस्