उमा बस्नेत/मालश्री खबर चैत १७ गते, रोल्पा
तिलगंगा आँखा प्रतिष्ठान काठमाण्डाँै, जिल्ला सामुदायिक आँखा केन्द्र लिवाङ र नेपाल रेडक्रस सोसाइटी रोल्पा शाखाको आयोजनामा मोतियाविन्दुको निःशुल्क शल्यक्रिया शिविर सम्पन्न भएको छ । हिजो र आज माडि गाउँपालिका २ घर्तीगाउँ स्वास्थ्य चौकीको भवनमा उक्त शिविर सञ्चालन भएको जिल्ला सामुदायिक आँखा केन्द्रका संस्थापक अध्यक्ष नौलसिङ पुनले जानकारी दिनुभएको छ ।
मोतियाविन्दुको शल्यक्रियाको लागि तिलगंगा आँखा प्रतिष्ठान काठमाडौका डा. होम गुरुङ, डा. कृपा जोशी, जिल्ला सामुदायिक आँखा केन्द्रका टिमे मोतिया विन्दुको शल्यक्रिया मा खटिएको पुनले रेडियो मालश्रीलाई जानकारी दिनु भएको छ । हिजो र आज गरी शल्यक्रिया शिविरमा ५७ जना महिला र ४४ जना पुरूष गरी जम्मा १०१ जनाको सफल शल्यक्रिया गरीएको आयोजकले बताएको छ ।
- Advertisement -
शिविरमा छनोट भएका मध्य ४४ जना अनुपस्थित भएको आयोजकले बताएको छ । उत्त शिविरलाई मध्यनजर गर्दै आयोजकले रोल्पा र रुकुमका विभिन्न स्थानमा १ दिने मोतियाविन्दु छनौट शिविर फागुन १८ गते देखी चैत्र ४ गते सम्म सञ्चानल गरेको थियो ।
प्रतिक्रिया दिनुहोस्