विनोद श्रेष्ठ
लुङ्ग्री गाउँपालिकाले बजार अनुगमनलाई तिव्रता दिएको छ । मंगलबार लुुङग्री गाउँपालिका वडा नं. ५ किलाचौर बजारको अनुगमन गरे लगतै हिजो बिहिबार पनि गाउपालिकाको लुँग्री गाउँपालिका वडा नं २ र ४ मा रहेका बजारको पनि अनुगमन गरेको हो ।
लुङ्ग्री गाउँपालिका र प्रहरी चौकी किलाचौरको समन्वयमा गाउँपालिकाको वडा नं. २ र ४ मा रहेका विभिन्न पसलहरूको अनुगमन गरिएको गाउँपालिकाले जानकारी दिएको छ । अनुगमनको क्रममा म्याद नाघेका बस्तुहरु जफत गरी नष्ट गरिएको गाउँपालिकाले जानकारी दिएको छ । अनुगमनको क्रममा दर्ता नभएका, नवीकरण नभएका पसलहरुलाई १५ दिनभित्र दर्ता गर्न निर्देशन समेत दिइएको छ । पसलको नाम देखिने गरी बोर्ड राख्न, मुल्यसूची राख्न, म्याध नाघेका बस्तुहरु विक्री नगर्न र छुट्टै राख्न समेत आग्रह गरिएको छ ।
अनुगमन गर्दा अधिकांश पसलहरूमा पेय पदार्थ म्याद नाघेको पाइएको हुँदा व्यापारीले सामान खरिद गर्दा र उपभोक्ताले किन्दा मिति हेरेर मात्र खरिद तथा विक्री गर्नअनुरोध समेत गरिएको छ ।
प्रतिक्रिया दिनुहोस्